Chittaranjan Ojah

    ২০২২ চনৰ নভেম্বৰ মাহত যেতিয়া অপেন এ আই প্ৰতিষ্ঠানে ছাট জিপিটি উলিয়ালে তেতিয়াৰ পৰা বিশ্বত আটাইতকৈ বেছি চৰ্চিত বিষয় হৈ পৰিছে কৃত্ৰিম বুদ্ধিমত্তা। অপেন এ আইৰ বাহিৰেও মাইক্ৰ’চফ্ট, গুগুল আদি বিভিন্ন চফ্টৱেৰ প্ৰতিষ্ঠানে নিজৰ নিজৰ ছাটব’ট উলিয়ালে। লাৰ্জ লাৰ্ণিঙ মডেলৰ প্ৰয়োগ সৰ্বত্তে আৰম্ভ হৈ গ’ল। কোনে কিমান কৃত্ৰিম বুদ্ধিমত্তাৰ বজাৰখন দখল কৰিব পাৰে তাৰ প্ৰতিযোগিতাত নামি পৰিল। আনপিনে কৃত্ৰিম বুদ্ধিমত্তাৰ প্ৰয়োগেৰে ৰবট মানৱৰ উৎপাদন বাণিজ্যিকভাৱে আৰম্ভ হৈ গ’ল। চীন, আমেৰিকা আদি দেশ ইয়াৰ উৎপাদনত নামি পৰিল। বিশ্বৰ বজাৰ ৰবট মানৱে দখল কৰিব যে সেয়া নিশ্চিত। সেইদিনা অসম সন্তান ছফটৱেৰ অভিযন্তা ধ্ৰুৱ বৰঠাকুৰে প্ৰতিষ্ঠা কৰা কৃত্ৰিম বুদ্ধিমত্তাৰ ডাটা বিশ্লেষকৰ কাম কৰা ৰকছেট নামৰ প্ৰতিষ্ঠানটো ৯৫০ কোটি টকাৰে অপেন এ আয়ে কিনি লয়। য়ে প্ৰমাণ কৰে বিশ্বৰ বজাৰত দোপত দোপে বৃদ্ধি পোৱা কৃত্ৰিম বুদ্ধিমত্তাৰ চাহিদা।     ভাৰতবৰ্ষ হ’ল ৰবট মানৱৰ বাবে এক বৃহৎ সম্ভাৱনাপূৰ্ণ বজাৰ। ইতিমধ্যে কিছুমান স্কুলত বিদেশৰ পৰা ৰবট মানৱ ক্ৰয় কৰি শিক্ষকৰ দায়িত্ব ৰবটৰ ওপৰত ন্যস্ত কৰিছে। ৰবট মানৱে শিক্ষা প্ৰদান কৰ...

    মানুহভেদে জীৱনৰ লক্ষ্য ভিন্ন হয়। প্ৰতিজন মানুহে জীৱনটোত বহুত কিবা কিবি পাব খোজে, বহুত কিবা হ’বলৈ বিচাৰে। কেইবাটাও লক্ষ্য আগত ৰাখি কাম কৰে। মানুহৰ জীৱনৰ লক্ষ্য কি হোৱা উচিত এই বিষয়ে সত্যনাথ বৰাদেৱে ‘সাৰথি’ নামৰ পুথিখনত এনেদৰে লিখিছে।   “সংসাৰখন কেৱল এটা জীৱৰ সোঁত। এই সোঁত অনাদি কালৰ পৰা বৈ আছে, আৰু অনন্ত কাললৈ বৈ থাকিব। সংসাৰত উদ্গতি কৰাই মানুহৰ জীৱনৰ সঙ্কল্প বা লক্ষ্য হোৱা উচিত। কিন্তু কিছুমান মানুহে বিবেচনা কৰে যে নিজৰ অন্ন-জল যুগুত কৰাই উদ্গতিৰ ওৰ, আৰু জ্ঞান বুদ্ধিৰ শেষ কৰ্ম। সেই দেখি সিহঁতে যেতিয়ালৈকে অভাৱৰ চেঙ্গা পায়, তেতিয়ালৈকে উদ্গতিৰ চেষ্টা কৰে, অভাৱ আঁতৰিলেই চেষ্টা এৰি দিয়ে। অন্ন জলতে যত্ন চেষ্টা শেষ নকৰি সকলোৱে জীৱনৰ অন্তলৈকে উদ্গতিৰ অনন্ত পথত চলি থকা উচিত।”   কিন্তু দেখা যায় যে কিছুমান মানুহে গোটেই জীৱন উদ্গতিৰ অনন্ত পথত লাগি থাকোঁতে নিজৰ সুখ, পৰিয়াল, বন্ধু-বান্ধৱৰ চিন্তা এৰি দিবলগীয়া হয়। শেষত এনে এটা অৱস্থা পায় যে দিনটোৰ ২৪ ঘণ্টাও যেন তেওঁৰ বাবে কম হৈ পৰিছে। ইমান ব্যস্ততাপূৰ্ণ জীৱনৰ বাবেই পিছলৈ মানুহজনৰ জীৱন দুৰ্বিষহ হৈ পৰে। নিজৰ সুখ, আনন্দ জ...

  উনৈশ শতিকাৰ পৰাই বিশ্ব সাহিত্যত কল্পবিজ্ঞান কাহিনীয়ে এক বিশেষ স্থান দখল কৰি আহিছে। ল’ৰালি কালতে আমাৰ দৰে প্ৰায় সকলোৰে অন্তৰ চুই গৈছিল কেইখনমান কল্পবিজ্ঞান কাহিনীৰ গ্ৰন্থই। তাৰে ভিতৰত জুলে ভাৰ্ণৰ Around the world in Eighty Days, Journey to the Centre of the Earth, Twenty Thousand Leagues under the sea, এইছ জি ৱেলছৰ The invisible man, The Time Machine আদি বিশ্ব বিখ্যাত গ্ৰন্থসমূহ। এডগাৰ এলেন প’, মেৰী শ্বেলী, জুলে ভাৰ্ণ, এইছ জি ৱেলছে গঢ় দিয়া কল্পবিজ্ঞান সাহিত্যৰ নতুন ধাৰাক উন্নত স্তৰলৈ আগুৱাই নিয়ে বিংশ শতিকাৰ বিশ্ব শ্ৰেষ্ঠ উপন্যাসিক কেইজনমানে। তাৰ ভিতৰত প্ৰথমেই নাম ল’ব লগিব হিউগো গাৰ্নছবেক, আৰ্থাৰ চি ক্লাৰ্ক, আৰ্থাৰ কনন ডয়েল, আইজাক আছিম’ভ, কেম্পবেল আদিৰ দৰে বৰেণ্য ব্যক্তি সকলক। মেৰী শ্বেলীৰ অনবদ্য সৃষ্টি ‘ফ্ৰেংকেষ্টাইন’ৰ কথা কোনেনো নাজানে। ফ্ৰেংকেষ্টাইনক আমি এক প্ৰতীকী হিচাপেও ভাবিব পাৰোঁ। প্ৰতিটো বৈজ্ঞানিক উদ্ভাৱনে লৈ আনে মানৱজাতিৰ উন্ননৰ বাৰ্তা। তাৰ মাজতো ই লৈ আনে এক উৎকণ্ঠা - সেই উদ্ভাৱনে মানৱজাতিলৈ আনিব পৰা বিপদ। ডিনামাইটৰ পৰা পাৰমানৱিক শক্তিৰ পৰা কৃত্ৰিম বুদ্ধিমত্তালৈ মানৱজাতিৰ...

    নাহৰকটীয়াৰ চাচনী উচ্চতৰ মাধ্যমিক বিদ্যালয়ৰ পৰা প্ৰৱেশিকা পৰীক্ষাত উত্তীৰ্ণ হোৱা প্ৰশান্ত শইকীয়া বৰ্তমানে অসম চৰকাৰৰ লোক নিৰ্মাণ বিভাগৰ এগৰাকী অভিযন্তা। ষষ্ঠ শ্ৰেণীৰ পৰাই সাহিত্যৰ পথাৰত উমলি থকা শ্ৰী শইকীয়া বৰ্তমান ডিব্ৰুগড় জিলা সাহিত্য সভাৰ প্ৰকাশন সচিবৰ পদত থকাৰ উপৰিও সদৌ অসম সোণোৱাল কছাৰী সাহিত্য সভাৰ অন্যতম সম্পাদকৰ দায়িত্বভাৰ বহন কৰি আছে। ডিব্ৰুগড় জিলাত অসম চৰকাৰৰ লোক নিৰ্মাণ বিভাগৰ অধীক্ষক অভিযন্তা হিচাপে কাৰ্যনিৰ্বাহ কৰি থকা শইকীয়াই ২০১১ চনত ‘বেতাল কথা আৰু অন্যান্য গল্প’ প্ৰকাশ কৰাৰ পাছত এতিয়ালৈকে পাঁচখন গল্প সংকলন, এখনি কাব্য সংকলন আৰু তিনিখন প্ৰবন্ধ সংকলন প্ৰকাশ কৰিছে। ২০২০ চনত অসম সাহিত্য সভাৰ শুৱালকুছি অধিবেশনত শ্ৰী শইকীয়াৰ সম্পাদনাত প্ৰকাশিত ডিব্ৰুগড় জিলা সাহিত্য সভাৰ মুখপত্ৰ মন্দাকিনী শ্ৰেষ্ঠ মুখপাত্ৰ হিচাপে পুৰস্কৃত হৈছিল।   পোন্ধৰটা মনোগ্ৰাহী গল্পৰে সমৃদ্ধ ‘হ’লনে নৌ...মাণিকী মৌ’ৰ গল্প সমূহত আছে কেঁচা মাটিৰ গোন্ধ, খেতি পথাৰৰ বোকা মাটিৰে পূৰ্ণ ধাননিডৰাৰ ছবি, সমাজৰ ৰীতি-নীতি, পৰম্পৰাৰ সুবাস। শইকীয়াই বৰ্তমানৰ গল্পসমূহত চলি থকা সম্পৰীক্ষাত ক্ষত-বিক্ষত হ...